Un accidente múltiple nas curvas de Tameiga, na A-55 o seu paso por Mos, deixou esta mañá catro feridos leves e outras once persoas ilesas. O sinistro, no que se viron implicados sete vehículos, produciuse ao redor das sete, no punto quilométrico 10, en sentido Vigo, segundo informou o 112 Galicia.
Os profesionais de Urxencias Sanitarias de Galicia-061 atenderon os feridos, mentres que a Garda Civil de Tráfico encargouse de regular o tráfico e garantir a seguridade na vía.
Simultaneamente, no sentido contrario da autovía, produciuse outra colisión por alcance, aínda que neste caso non houbo danos persoais. As autoridades seguen investigando as causas do accidente.
